هدى عربي تبحث عن حل جماعي لأزمة الكهرباء

أعلنت الفنانة هدى عربي بحثها عن حل جماعي لأزمة الكهرباء، متسائلة “ما ممكن نعمل قومة للكهرباء !؟”.
ورفضت هدى الحلول الفردية بقولها “ماف زول يقول لي جيبي مولد دي كارثة والله ودايماً دي مشاكلنا ما بنفكر نحلها بطريقة جماعية يقولوا في أزمة سكر أي زول عندو قروش يشتري شوالات سكر يدسها يقولوا في أزمة دقيق أي زول مقتدر يشتري كمية يدسها، بنزين ووووو، كهرباء يقولوا ليك اشتري مولد أي زول بفكر في نفسه في الوقت البتكون الأزمة عامة”.
وسردت عربي واقعة طريفة عن تسبب قطوعات الكهرباء في رفض الزيارات وذلك بقولها “صحبتي بتونس فيني قالت لي لمن تكون الكهرباء قاطعة ما بحب استقبل ضيوف ولمن تجي الكهرباء بكون عايزة استمتع بيها أنوم، شكراً ناس الكهرباء ما قطعتوا الكهرباء بس قطعتوا العلاقات الاجتماعية وقطعتوا الأرحام ذاتو”.