ترباس: محمد مصطفى عاوز يعمل جمهور على حسابي

خبرك: محاسن أحمد عبد الله

وصف الفنان كمال ترباس، الشيخ محمد مصطفى عبد القادر بأنه (زول تفاف) وغير محترم و”قليل أدب”، مطالباً إياه باحترام نفسه.

وذلك بعد الهجوم الذي شنه عليه مصطفى بسبب لومه الحكومة لمحاربتها للفنانين وقطع أرزاقهم.

وقال ترباس في تصريحه لـ(خبرك): أمثال هذا الشيخ المدعي يريد أن يكسب جمهور علي حسابي ويتلمع وأنا ما فاضي ليه، هو مفتكر نفسه إمام جامع في مكة المكرمة؟.

وتابع كمال في رده على الشيخ محمد مصطفى: لو بتفهم أنا ما قلت جيعان ما لاقي أكل عشان ما لاقي قروش، بالعكس عندي قروش لكن بقروشي وما لاقي غاز ولا وقود ولا عيش، والحمد الله قبل أيام اشتريت منزل بأربعين مليون في أم درمان قصاد الطابية وما محتاج الحمد لله ربنا يديني عمر أكمل القروش العندي.

واختتم ترباس تصريحه بالقول: خليك من ترباس واحترم نفسك يا زول التفاف ويكفي إني أنا ترباس انت منو؟.