إنصاف فتحي تحارب الصور النمطية في القبائل السودانية

شنّت الفنانة إنصاف فتحي، الحرب على الصور النمطية في القبائل السودانية.

وأعلنت إنصاف رفضتها لمنح القبائل صفات معينة، وتقسيمها وفقاً لما أشيع عنها مجتمعياً أو عبر النكات.

ونادت فتحي بنبذ العنصرية والتقليل من شأن الآخرين بناءً على الصورة النمطية عن قبائلهم.

وكتبت الفنانة الشابة:

ﺷﺎﻳﻘﻲ ﺑﺨﻴﻞ ﻭﻏﺘﻴﺖ ؟!؟!

ﺩﻧﻘﻼﻭﻱ بطئ ﺍﻟﻔﻬﻢ ﻏﺒﻲ؟!؟!

ﺣﻠﻔﺎﻭﻱ ﺑﻌﻴﺪ ﻋﻦ ﺍﻟﺪﻳﻦ ﻣﺘﻬﺎﻭﻥ ﺟﺪﺍ ﻣﻊ ﺭﺑﻮ ؟!؟!

ﻏﺮﺑﺎﻭﻱ ﺍﺗﺠﺎﻩ ﻭﺍﺣﺪ ﺧﺎﺗﻲ ﺳﻜﻴﻨﻮ ﻓﻲ ﺿﺮﺍﻋﻮ ﻭﺩﺍﻳﺮ ﻣﺸﺎﻛﻞ

ﻧﺎﺱ ﺍﻟﺠﺰﻳﺮة ﻫﻤﺞ ﻏﻴﺮ ﻣﺘﺤﻀﺮﻳﻦ ﻭﻧﺎﺱ ﺑﺎﻏﺔ ﺍﻟﻌﺴﻞ؟!؟

ﺍﻟﺠﻌﻠﻲ ﺃﺣﻤﻖ ﺗﻨﻔﺨﻮ ﻭﺗﻐﺸﻮ؟!؟

ﺭﺑﺎﻃﺎﺑﻲ ﺯﻭﻝ ﻣﺴﻴﺦ ﻭﺭﺩﻭ ﺩﺍﻳﻤﺎ ﻣﺎ ﺑﻴﺘﺒﻠﻊ؟!؟

ﻣﺤﺴﻲ ﺯﻭﻝ ﻋﻨﺼﺮﻱ ﻭﻣﺎﻋﻨﺪﻭ ﺣﺎجة ﻟﻲ ﺃﻱ ﺯﻭﻝ ﺍﻻ ﻣﺤﺴﻲ ﻭﺑﻴﺮﻃﻦ ؟!؟

أﺩﺭﻭﺏ ﻛﺴﻼﻥ ؟!؟

 نحن ناس الشمال عرب وحرين و و و ؟!؟!

 ناس الغرب والجنوب فيهم عرق ؟!؟!

وبعد استعراضها لهذه النماذج واصلت إنصاف: ﺻﻮﺭ نمطية ﺳﺎﻋﺪنا أﻧﺎ ﻭﺍﻧﺖ ﻭﻏﻴﺮﻧﺎ ﻓﻲ اﻧﻮ ﻧﺮﺑﻄﻬﺎبقبيلة ﻛﺎملة ﺑﺴﺒﺐ ﻧﻜﺎﺕ سخيفة ﻭﺗﻌﻠﻴﻘﺎﺕ مقيتة ﺍﺗﺒﺎﺩﻟﻨﺎﻫﺎ ﻭﺿﺤﻜﻨﺎ ﻋﻠﻴﻬﺎ…

ﻛﺎﻧﺖ أﺧﻄﺮ ﻣﻦ ﺍﻧﻬﺎ ﺗﻜﻮﻥ ﻟﻤﺠﺮﺩ ﺍﻟﻀﺤﻚ

ﻃﻴﺐ ﺑﺘﻌﺮﻑ ﺷﺎﻳﻘﻲ؟!؟  ﺃﻱ ﻳﺎﺥ ﻓﻼﻥ ﻋﻠﻲ ﺍﻟﻄﻼﻕ أﺭﺟﻞ ﻭأﻛﺮﻡ ﻣﻨﻮ ذﺍﺗﻮ ﻣﺎ ﻻﻗﺎﻧﻲ

ﻃﻴﺐ ﺩﻧﻘﻼﻭﻱ ﺍﻳﻮﻩ ﺍﺳﺘﺎﺫﻧﺎ ﺑﺘﺎﻉ ﺍﻟﻔﻴﺰﻳﺎﺀ ﻳﺎﺧﻲ ﺷﺎﺫ ﻋﺪﻳﻞ

ﺣﻠﻔﺎﻭﻱ ﺍﻳﻮﻩ ﺍﻣﺎﻡ ﺍﻟﺠﺎﻣﻊ ﺻﻮﺗﻮ ﺟﻤﻴﻞ ﻭ ﻣﺎ ﺑﺼﻠﻲ ﺍﻟﺘﺮﺍﻭﻳﺢ ﺍﻻ ﻣﻌﺎﻫﻮ

ﻏﺮﺑﺎﻭﻱ ﺍﻳﻮﻩ ﺁﺩﻡ ﺩﺍ أﻃﻴﺐ ﺯﻭﻝ ﻓﻲ ﺍﻟﺪﻧﻴﺎ ﻭﻗﻠﺒﻮ ﺍﺑﻴﺾ ﻭﻣﺎﺣﺼﻞ ﺷﻔﺘﻮ ﺻﺎﺭﻱ ﻭﺷﻮ

ﻃﻴﺐ ﺟﻌﻠﻲ ﻗﺎﺑﻠﻚ ﺍﻳﻮﻩ ﻓﻼﻥ ﺭﺍﺟﻞ ﺣﻜﻴﻴﻢ ﻭﻣﺘﺄﻧﻲ ﻣﺎ ﺑﻴﺰﻋﻞ ﺑﺴﻬﻮلة

ﺻﺤﺒﻚ ﺍﻟﺮﺑﺎﻃﺎﺑﻲ ﺩﺍﻙ ﻛﻴﻒ ؟

ﻣﻨﻮ ﻓﻼﻥ ﻳﺎ ﺳﻼﻡ ﻳﺎﺧﻲ ﺭﺍﺟﻞ ﻇﺮﻳﻒ ﻭﺍﻟﻠﻪ ﺗﻘﻌﺪ ﻣﻌﺎﻫﻮ ﺗﻀﺤﻚ ﺑﺲ.

وعزّزت صاحبة مشروع “عصفورة السودان” حديثا بالقول: اتربيتوا ﻏﻠﻂ ﺭﺑﻮا ﺍﻟﺠﻴﻞ ﺍﻟﺠﺎﻱ ﺻﺢ.

ﺍﺧﻮﺍﻧﻲ ﻭ ﺍﺧﻮﺍﺗﻲ ﺩﻋﻮﺓ لنبذ ﺍﻟﻌﻨﺼﺮﻳﺔ والجهوية ﻛﻠﻨﺎ ﺳﻮﺩﺍﻧﻴﻴﻦ ﻭﻛﻠﻨﺎ ﻣﻦ ﺣﻮﺍﺀ ﻭﺁﺩﻡ ومافي حاجة اسمها ده فيهو عرق وانا عربي حر وجدي العباس..

ﺍﺗﺮﻛﻮا ﺍﻟﺘﻌﻨﺼﺮ ﻭﺍﻟﺘﻘﻠﻴﻞ ﻣﻦ ﺷﺄﻥ ﺍﻟﻐﻴﺮ ﻓﻼ أﺣﺪﺍ ﻣﻨﻜﻢ ﻳﺮضى ﺑﺎلآﺧﺮ، ﻓﻜﻞ قبيلة تفتخر ﻭﻛﻞ قبيلة ﺗﺘﻌﻨﺼﺮ، ﺍﻧﺒﺬﻭا ﻛﻞ ﺫﻟﻚ، ﻓﻨﺤﻦ ﺳﻮﺩﺍﻧﻴﻮﻥ وﻛﻔﻰ​.

وتفاعل جمهور ومتابعو إنصاف بشكل كبير مع ما كتبته، معتبرين أنها أصابت عين الحقيقة.